5.5.2025

Трајанов во Аргумент плус: Таравари треба да одлучи дали ќе се приклучи на ДУИ

Националниот координатор за борба против насилен екстремизам и тероризам Павле Трајанов, во Аргумент плус рече дека немал средба со Таравари за несогласувањата во „ВРЕДИ“.

Според него, сите недоразбирања се околу крупни прашања поврзани со локалните избори и распределбата на позициите во власта. Тој зборуваше и за тоа дека најавите за протести од ДУИ се врз основа на етничка основа и се селективни.

„Според моите информации и проценки во ‘ВРЕДИ’ во оваа коалциија имаат несогласувања околку крупни прашања и тој процес кулминираше, одлуката е на Таравари дали ќе се приклучи на Европскиот фрон на ДУИ и ќе биде со нив. ДУИ сега бараат патерица за да се потпрат и веројатно во таа улога успеала да го придобие Таравари, не знам што одлука ќе донесе, владеачката партија е клучна и без Таравари ќе има мнозинтсво. Немав средба со Таравари, кажав дека имале несогласувања, не би навлегувал во деталите. Надворешно гледно е дека има несогласувања за поделбата на власта, која партија како ќе биде застапена и од проекциите која партија ќе биде доминантна и ќе има повеќе кандидати за локалните избори“, рече Трајанов.

Тој зборуваше и за тоа дека најавите за протести од ДУИ се врз основа на етничка основа и се селективни.

„Не знам Ахмети зошто протестира за Бектеши а не за Груби. Тој ќе протестира зошто е албанец, зошто не протестира за министерот без ресоср, не може да проетстирате селективно и врз основа на етничка основа. Тој филм еднаш помина, со насилства со војна. Воениот конфликт беше режиран меѓу две политички партии, се уфрли Ахмети и се трансформира во патија. Тоа време помина со закани, насилство и излегување на улица. Нема да добијат поддршка а и мислам дека граѓаните на Македонија не се подготвени да протестираат за Ахмети да ја растура Македонија., Тоа време помина. ДУИ како политичка партија направи и дуизација и криминализација и како одговор на тоа сега сме во состојба каде се анализара се“, додаде Трајанов.

Извор