12.04.2016

ДС: Оставка од Ѓорге Иванов

Претседателството на Демократскиот сојуз, вечерва одржа седница на која ги усвои следните ставови:

- Одлуката за аболиција донесена од страна на претседателот Ѓорге Иванов претставува своевиден државен удар врз Република Македонија долгорочно го загрози демократскиот развој, перспективите на државата и го урниса правниот поредок.

- Ѓорге Иванов го погази начелото на презумпција на невиност и со одлуката за аболиција ја потврди одговорноста и вината на сите што ги амнестира без да имаат можност својата евентуална невиност да ја докажат пред суд.

- Ѓорге Иванов со оваа одлука ја вовлече Македонија во хаос и вонредна состојба, со тешки последици по стабилноста на земјата и нормално одвивање на животот.

- Демократскиот сојуз ги повикува сите граѓани да се обединат, без разлика на нивната партиска, етничка, религиозна или друга припадност и да ја осудат постапката на Ѓорге Иванов.

- Демократскиот сојуз ги повикува граѓаните сите заедно да излеземе на масовни, но мирни демонстрации и да протестираме сé додека Ѓорге Иванов не поднесе оставка.

- Демократскиот сојуз апелира граѓаните да не се конфронтираат меѓу себе и со полицијата.

- Демократскиот сојуз предлага да се одржи средба меѓу лидерите на сите парламентарни и вонпарламентарни партии, на која ќе утврди стратегија за излез од кризата.

- Демократскиот сојуз бара да се свика Парламентот и во текот на утрешниот ден да одржи вонредна седница, на која ќе започне постапка за импичмент на Ѓорге Иванов и да донесе одлука за суспендирање на одлуката за распуштање на Собранието на Република Македонија.

- Демократскиот сојуз инсистира Парламентот да избере експертска Влада со мандат да се справи со кризата и да ја одржи стабилноста во Република Македонија.