24.03.2017
ДЕМОКРАТСКИ СОЈУЗ: УШТЕ ДВА ДЕНА ДО КУЛМИНАЦИЈА НА КРИЗАТА
Партиите од парламентарното мнозинство можат да се обидат во следните два дена да понудат и постигнат компромис со раководството на ВМРО-ДПМНЕ се со цел во понеделник да се избере претседател на Парламентот и со тоа се создадат услови за избор на реформска Влада и мирен, демократски и државнички трансфер на власта.
Од понеделник натаму парламентарното мнозинство на СДСМ, ДУИ, БЕСА и АЛИЈАНСАТА, мора да покажат цврстина и одлучност и при изборот на претседател и при формирањето на Владата.
Континуираната попустливост, ќе биде злоупотребена од ВМРО -ДПМНЕ и преку медиумската манипулативна кампања ќе се настојува да се продлабочи кризата и спречи трансфер на власта.
Геостратешките и регионалните процеси наметнуваат потреба од итно формирање на нова Влада и стабилизирање на состојбите, како прв чекор за нормализирање на животот и воспоставување на вредносен систем кој почива на владеење на правото во Република Македонија.