14.04.2016
Демократски сојуз: Народот одлучува
Демократскиот сојуз оценува дека со Одлуката за аболиција Ѓорге Иванов го урниса правниот поредок и предизвика огромно незадоволство и хаос во државата.
Состојбите можно е да излезат од контрола, поради што повикуваме на разумно, одговорно и државничко однесување.
Бараме:
1. Ѓорге Иванов, да ја повлече одлуката за аболиција и да си поднесе оставка.
2. Али Ахмети, да го откаже учеството на ДУИ на избори.
3.Трајко Вељаноски, да свика седница на Парламентот за да се суспендира одлуката за самораспуштање на Парламентот.
Вие тројцата можете да излезете од партискиот шинел и да го послушате гласот на разумот и народот, кој е подготвен да протестира се додека не се реши кризата и не создадат услови помилуваните да одговараат пред суд.