14.03.2016
Демократски сојуз: Матичната евиденција основа за бришење на фантомски гласачи
Демократскиот сојуз инсистира на целосна соработка на сите државни институции со ДИК за прочистување на ИЗБИРАЧКИОТ СПИСОК.
Тие што ќе го опструират овој процес сакаат да продолжи кризата и да нема услови за кредибилни избори и изборен процес.
Демократскиот сојуз предлага основа за отстранување на фантомските ново креирани гласачи, потоа двојните, тројните и други гласачи, гласачите кои гласат за тие што престојуваат во странство и ново увезените гласачи од странство, да бидат матичните книги кои се водат рачно (на родени, венчани, државјанство и умрени).
Само со директните проверки во овие евиденции можат со сигурност да се потврдат сомневањата за кршење на изборните правила.
Демократскиот сојуз бара ДИК да подготви и достави до Собранието ИЗВЕШТАЈ за резултатите од прочистување на Избирачкиот список, на проблемите со кои се соочува, на отпорите и опструкциите на кои наидува.