04.04.2016
Демократски сојуз: ДИК да поднесе извештај
Демократскиот сојуз ја повикува Државната изборна комисија, да достави извештај до Собранието, во врска со прочистувањето на избирачкиот список.
Врз основа на ИЗВЕШТАЈОТ Парламентот да отвори расправа и да процени дали еден од битните предуслови, прочистен избирачки список, за спроведување на фер, слободни, демократски и кредибилни избори на 5 јуни е исполнет.
Во услови на системска блокада на државните институции, без реформи во правосудство, без одговорност на креаторите на политичката криза, а со досега невидена манипулативна медиумска кампања, изборите нема да ја разрешат кризата.
Затоа очекуваме реални оценка од сите партии, при што интересите на државата и граѓаните треба да бидат пред личните и партиските.
Се работи за иднината на државата, затоа е неопходно разумно, одговорно и државничко однесување.