18.11.2016

ДЕМОКРАТСКИ СОЈУЗ: Одговорност за урнисување на Уставниот поредок

По објавувањето на информациите од СЈО, по чија наредба незаконито се прислушувале илјадници граѓани, целта на прислушувањето и кој сé бил “корисник” на прислушуваните разговори, Демократскиот сојуз, бара одговорност и повлекување од изборниот процес, на сите кои биле вклучени во урнисувањето на Уставниот поредок, газењето на човекови права, нарушување на изборниот процес и навлегување во приватноста на граѓаните. 

Се потврдија сомненијата на Демократскиот сојуз, дека прислушувањето е вршено по налог на раководството на МВР (сите кадри од ВМРО – ДПМНЕ), потоа дека прислушувањето е вршено преку системите на МВР и дека корисници на прислушуваните разговори биле носителите на високи државни позиции, пред сé претседателот на Владата и воедно лидер на ВМРО – ДПМНЕ. 

Пред две години и сега бараме, политичка и кривична одговорност за сите актери на ова злосторство и спрема сопствениот народ и држава.

Со изборите не може и нема да се покрие кршењето на човековите права и криминалот. 

Секој треба да биде свесен дека правдата можеби касни, но сепак стигнува.