Демократски сојуз одржа трибина во Неготино (Видео)

03.12.12

Демократски сојуз одржа трибина во Неготино


На 30 ноември (петок) 2012 година, во Неготино, во организација на Демократскиот сојуз се одржа трибина на која присуствуваа голем број на граѓани кои покренаа бројни иницијативи и поставија повеќе прашања, пред се сврзани со разрешување на проблемите со невработеноста, отварање на породилен дом во Неготино, овозможување на кандидатите за возачи да полагаат во Неготино, загриженоста од можното загадување поради изградбата на регионална депонија и индустриски капацитети од тешката индустрија, можното загадување од полигонот Криволак, криминалот и сл.

На трибината претседателот на Демократскиот сојуз, Павле Трајанов, говореше за актуелните политички состојби, како и за претстојните локални избори „март 2013 година“.

Трајанов нагласи дека Демократскиот сојуз се залага за сеопфатна програма за отварање на нови работни места, енергична борба против организираниот криминал и корупцијата, како и за продолжување на реформите битни за јакнење на демократските капацитети на државата, владеење на правото и правдата.

Говорејќи за евро-атланските интеграции Трајанов рече дека: Наш врвен, национален и стратешки интерес е полноправно членство во НАТО И Европската унија, за што има и политички и граѓански консензус.

Трајанов потенцираше дека на 10-ти декември, Советот на Европската Унија, треба да донесе одлука за започнување на преговори со ЕУ, за приклучување на Република Македонија кон ЕУ, без било какви дополнителни условувања.

Според Трајанов сосема се оправдани очекувањата на граѓаните дека на 10-ти декември треба да се случи пресврт. Во спротивно, Република Македонија ќе биде исправена пред две можни опции:

Прво, да продолжиме со реформите и со конструктивен пристап кон разрешување на спорот наметнат од Грција, околу разликите за нашето уставно име, или

Второ, Република Македонија, сосема јасно и гласно да соопшти дека не е подготвена да го менува уставното име на државата, а одлуката е на НАТО и ЕУ, дали ќе не интегрираат во овие асоцијации или не.

Претседателот Павле Трајанов, истакна дека ДС се подготвува за претстојните локални избори и разговорите за заеднички настап со ВМРО-ДПМНЕ се во тек.

Последни Активности

1.11.2012

КАНДИДАТИ ЗА ГРАДОНАЧАЛНИЦИ НА ДЕМОКРАТСКИ СОЈУЗ:

1. Радовиш

Страхил Гавритов, електро инженер, вработен во ЈП Плаваја-Радовиш.

2. Неготино

Ванчо Петров, професор во Гимназијата во Неготино...

прочитај повеќе...



13.11.2012

Трајанов - Историски момент за компромис со Грција

Очекувам да се дојде до некаков компромис, но тоа пред сè ќе зависи од внатрешното единство, од тоа дали Република Македонија ќе изгради единствена политика околу ова прашање, вели Павле Трајанов, водачот на македонската парламентарна делегација на Заседанието на Асамблеата на НАТО во Прага.

прочитај повеќе...

19.11.2012

ОПШТИНСКАТА ОРГАНИЗАЦИЈА НА ДС - КОЧАНИ ИЗБРА НОВ ПРЕТСЕДАТЕЛ

„ Потекнувам од работничко семејство, во партијата влегов поради чесноста, потенцијалите, политичката одговорност и пред се поради политичката иднина, којa ја гледам во Демократски сојуз “... 

прочитај повеќе...

14.01.2013

Kако до нови работни места?

Демократскиот сојуз, заедно со граѓаните ќе работи на градење на Програма за отворање на нови работни места , развој на економијата и унапредување на животниот стандард на граѓаните.

прочитај повеќе...

18.03.2012

ОБРАЌАЊЕ НА ПАВЛЕ ТРАЈАНОВ НА IV-ОТ КОНГРЕС НА ДЕМОКРАТСКИОТ СОЈУЗ

Почитувани делегати, гости, драги пријатели, екселенции, претставници на медиумите, сакам да Ве поздравам и да посакам успешна работа на Конгресот. Демократскиот сојуз е партија која постојано бранува, партија која го слуша гласот на граѓаните. Силата на Демократскиот сојуз, произлегува од нашите принципиелни заложби...

прочитај повеќе...
partners partners partners partners partners partners