07.06.2016
Трајанов за Плусинфо: Следен чекор на Иванов е да си поднесе оставка
Одлуката за целосно повлекување на аболиција што ја донесе Ѓорге Иванов е резултат на граѓанскиот и политички аргументиран притисок како и притисокот на меѓународната заедница, бидејќи таа одлука значеше уривање на правниот поредок и продлабочување на кризата.
Сега следен чекор што треба Иванов да го направи е да се повлече од функцијата претседател и со парламентарните избори да има и претседателски бидејќи направи огромна штета на државата. Тој нема легитимитет да биде претседател на државата. Дополнителен аргумент е и тоа што тој е избран со креирани гласачи. Иванов нема легитимитет и кредибилитет да ја води државата.
Трајанов смета дека многу скоро ќе се формира реформска влада која ќе треба да создаде услови за одржување на фер и демократски избори.
Може да има ориентационен датум за избори, кој ќе зависи од исполнувањето на условите. Има пресврт во расположението на граѓаните и според последните анкети поголема е поддршка што ја има опозиција поради што и треба побрзо да се оди на избори.
Извор: Плусинфо