2.11.2024

ДСЖ спроведе успешна еко-акција во околината над Кучково

Согласно Програмата на Демократски Сојуз, женското лоби на ДС, (ДСЖ), силно се залага за еколошка едукација и развивање на еко свеста кај населението, особено кaj младите, и ги поттикнува и ги поддржува сите еколошки друштва во нивната активност.

Со таа цел по повод пристигнувањето на есента и потребата од конкретен работен ангажман за чистење и уредување на природата и заедничките места за уживање и рекреација, активисти на Демократски сојуз на иницијатива на женското лоби на ДС со задоволство ја презеде иницијативата денес да одвои малку време и да реализира голема еколошка работна акција за уредување на околината сместена високо над скопското село Кучково. Токму таму, скриен помеѓу дрвјата и кориите, удобно сместен под падините на Шар Планина нѐ пречека манастирот Свети Ѓорѓија, со голема енергија на мир и тишина, подобна за секој добронамерник.

Акцијата беше реализирана со поддршка од членовите и симпатизерите на Демократски сојуз, кои имаат зголемена самосвет за значењето на чистата околина за здравјето на сите како и за заедничката обврска сите да се грижиме за здрава природа и пред сѐ чиста средина.

Целта на оваа акција беше да ја подигнеме свеста кај луѓето за чиста и здрава еколошка средина, да не се фрлаат отпадоци каде што не е место за отпадоци, и да ја собереме златната покривка што есента ја распостила со сета своја убавина во овој период од годината.

Потребно е само убав збор и добар пример за мотивација!