Демократски сојуз

Соња Кузмановска

Д-р Соња Кузмановска е родена на 31.03.1962 година во Скопје. 

Дипломира во 1985 година на Медицинскиот факултет - отсек фармација во Скопје.

Во периодот 1986-1991 работи во фармацевтската куќа “ЈАКА-80” како истражувач во секторот за развој на лекови.

На Институтот за патофизиологија и нуклеарна медицина се вработува во 1991 година во одделот Радиофармацевтска лабораторија.

Во 1998 година специјализира  медицинска   биохемија  и  го  брани   специјалистичкиот труд  со  наслов ,,Оптимизација и контрола на квалитет на имунолошки анализи со радиоактивен обележувач”.

Постдипломските студии по медицинска биохемија на Медицинскиот факултет во Скопје ги завршува во 2005 година со одбрана на магистерскиот труд: „Оптимизација на метод за одредување на јод во урина и негово значење при епидемиолошки и клиничко-биохемиски испитувања”, а во 2008 година ја брани докторската дисертација под наслов „Јодниот внес и гравидитетот: биохемиски индикатори во проценка на оптимална јодна супституција“ на Фарма¬цевтскиот факултет во Скопје.

Во 1995 година завршува курс за Болничка  радиофармација во ITN Sacavem, Португалија, како стипендист на Меѓународната агенција за атомска енергија (МААЕ).

Од 1996 година учествува во неколку меѓународни проекти финансирани од МААЕ, и остварува студиски престои во врвни институции во Лондон, Будимпешта, Инсбрук.

Од 1998-2003 година активно учествува во националниот проект „Јодниот дефицит во Македонија“ во соработка со УНИЦЕФ, а во 2003 година е назначена за раководител на Националната лабораторија за одредување јод во урина.

Од 1998 е вклучена во наставната дејност на Медицинскиот факултет во Скопје, почнувајки како асистент истражувач, па до изборот во научен соработник во 2010 година

Член е на  Здружението на медицински биохемичари, Секцијата по нуклеарна медицина при МЛД, Европската асоцијација за нуклеарна медицина и на Македонското фармацевтско друштво.    

Добитник е на републичката награда „Гоце Делчев“ во 2005 година, како еден од авторите на монографијата „Корекција на јодниот дефицит во Македонија”, а истата година е добитник и на плакета на Универзитетот „Св. Кирил и Методиј“ за негова афирмација.   

Член на Демократскиот сојуз од 2012 година.  

Говори активно англиски и пасивно германски јазик.

Последни Активности

06.02.2019

Демократски сојуз: Приемот во НАТО е заслуга на сите влади и граѓани

Приемот на Македонија во НАТО е резултат на работата на сите досегашни влади, невладиниот сектор, медиумите и пред сè цврстата определба и многуте компромиси направени од сите граѓани. 

прочитај повеќе...

24.11.2017

ДЕМОКРАТСКИ СОЈУЗ: ВО ДРИСЛА НЕ СМЕЕ ДА СЕ ДЕПОНИРА РАДИОАКТИВЕН ОТПАД

Демократскиот сојуз инсистира на целосно расчистување на информациите (“сериозни индиции“) презентирани во јавноста, дека во депонијата " Дрисла" во близина на Драчево, се уништувал радиоактивен отпад.

прочитај повеќе...

06.02.2019

Демократски сојуз: Потребни се реформи и работа

Не намалувајќи ја важноста на претседателот на Република Македонија, Демократскиот сојуз, смета дека претседателските избори треба да се одвиваат во фер и политички натпревар

прочитај повеќе...

22.01.2019

Демократски сојуз: Македонија една изборна единица

Во врска со најавите за можни предвремени парламентарни избори, Демократскиот сојуз, ја афирмира идејата за тоа Македонија да биде една изборна единица.

прочитај повеќе...

20.01.2019

Демократски сојуз: Најостра осуда за нападот на новинарот на Канал 5

Демократскиот сојуз најостро го осудува нападот на Мирјана Мирчевска Јовановиќ, новинарка на ТВ Канал 5, на која и се нанесени телесни повреди, а повеќе новинари  се спречени да ја извршуваат својата професионална работа.

прочитај повеќе...
partners partners partners partners partners partners