28.11.2015
Прилепчани бараат откуп на тутунот
На средбата со граѓаните во Прилеп пратеникот Павле Трајанов зборуваше за актуелната политичка состојба, при што нагласи дека имплементацијата на Договорот од Пржино создава почетни услови за градење на единство во државата и владеење на правото, посебно од апсект на одговорност на генераторите на кризата.
Во реформите на медиумите клучна улога мора да имаат новинарите. Преку медиумите граѓаните да бидат објективно информирани. Тоа е неопходно за да на 24.04.2016 година донесат правилен суд и да започнат системски промени битни за просперитетот на граѓаните и државата.
На трибината граѓаните се интересираа за бегалската криза, за тоа кога ќе отпочне откупот на тутунот, за невработеноста и иселувањето на младите во странство, за статусот на голем број на граѓани кои завршиле Факултет за безбедност, како и за политичката криза која се одразува на целокупниот живот, посебно на интересот на граѓаните.
На крајот на средбата Трајанов посочи, дека „ Демократскиот сојуз е партија со автентична политичка програма и дека се подготвува за самостоен настап на претстојните парламентарни избори, како одговор на барањата на граѓаните“.