ДС: Одговорност за кризата

06.11.2015

ДС: Одговорност за кризата

Демократскиот сојуз очекува Преодната Влада да биде во функција на смирување на политичката криза и создавање предуслови  за рамноправен политички натпревар, презентација на политичките програми и слободно изјаснување на граѓаните на денот на изборите.

Демократскиот сојуз смета дека врвен приоритет на Преодната Влада треба да биде стабилноста на државата, градење на консензус и единство за националните и државните интереси, одржлив економски развој, владеење на правото и нормално функционирање на сите институции, како и целосна департизација и деполитизација на државните институции.

Кризата предолго трае и генераторите на кризата мора да се повлечат и да отворат можност за доследно спроведување на принципот на одговорност на сите нивоа.

Македонија не смее и натаму да биде во заложништво на личните интереси и интересите на четирите партии, кои државата ја вовлекоа во длабока криза, предизвикаа поделби меѓу граѓаните, неизвесност и несигурност за иднината и перспективите на  државата, како и блокада на евро-интеграциските процеси.

Демократскиот сојуз очекува Министерството за внатрешни работи во соработка со Специјалниот јавен обвинител, да работи непристрасно и неселективно во расчистување на аферата „ Пуч“, односно аферата незаконито прислушување, како и сознанијата кои произлегуваат од содржината на прислушуваните разговори.

Последни Активности

12.02.2014

ДС: За консензуален претседател одлучуваат граѓаните

За претседател на државата треба да биде предложен кандидат со високи морални квалитети, со личен и професионален интегритет, кандидат кој ќе биде посветен на реализација на приоритетите на Република Македонија, а тоа се евроинтеграциите и полноправното членство во НАТО. 

прочитај повеќе...

26.12.2013

Трајанов за Нова Македонија: Одговорност за спорот со името треба да преземат сите релевантни политички фактори

Господине Трајанов, имавте повеќе предлози што би можеле да го олеснат наоѓањето решение за името. Побаравте ЕУ-посредник за спорот со Грција, но веќе подолго време барате и општ консензус за прашањето.

прочитај повеќе...
partners partners partners partners partners partners