24.11.2015
ДС до Собранието достави Предлог за промена на Законот за енергетика
Денес, Павле Трајанов, пратеник и претседател на Демократскиот сојуз, до Собранието на Република Македонија достави Предлог за промена на Законот за енергетика, со кој се предвидува граѓаните кои не користат топлинска енергија за затоплување на становите, да не плаќаат надоместок.
По одржаната средба со претставници од граѓанското здружение „НО ПАСАРАН“ и усогласување на текстот на промените на Законот за енергетика, Законот е доставен во собраниска процедура по скратена постапка.
Текстот на промените гласи: „ Домаќинствата кои немаат склучено договор од член 118 на овој закон или не биле корисници на топлинска енергија или престанале да бидат корисници на топлинска енергија, не плаќаат надоместок.“