19.01.2016
ДС: 16 години принципиелност и доследност
Демократски сојуз израсна во препознатлив, принципиелен и силен политички субјект, кој ги отвора вратите за сите слободарски и креативни граѓани.
На денешен ден (19 Јануари 2000 година) во „Салон 19'19“, иницијативниот одбор во состав: Павле Трајанов, Никола Младенов, Зоран Петров, Томе Геневски, Ѓорѓи Димитров, Верица Андреевска, Теофил Блажевски, Велин Јованов, Братислав Димитров и Владо Шоп-Трајанов, одржаа седница на која е донесена одлука да се формира Демократскиот сојуз, како автентична политичка партија.
После 16 години опстојување и развој, Демократскиот сојуз промовира Платформа за „ПРОМЕНИ ПРАВДА И ПРОГРЕС“, како алтернатива за излез од политичката криза. Демократски сојуз повикува на разумно однесување, обединување и градење на консензус за националните и долгорочните стратешки интереси на државата и граѓаните.
Демократскиот сојуз смета дека единствен избор за Македонија е владеење на правото, почитување на основните цивилизациски вредности и слобода на говорот. Тоа се основните постулати за градење на перспективна и демократска држава.