07.04.2014

Трајанов до Расмусен: НА САМИТОТ ВО КАРДИФ – МАКЕДОНИЈА ДА СТАНЕ ЧЛЕНКА НА НАТО

Повод за денешната прес конференција е иницијативата на Демократскиот сојуз за што побрзо зачленување на Република Македонија во НАТО, кое би се реализирало на претстојниот Самит на Северноатлантската Алијанса во Кардиф, Велика Британија, на почетокот на септември оваа година. 

Иницијативата на Демократскиот сојуз се состои во мобилизирање на сите македонски граѓани, политички партии, невладини организации и граѓански здруженија, преку писма, пораки на социјалните мрежи и електронската пошта, да се обратат до седиштето на НАТО во Брисел, до амбасадите на земјите – членки на НАТО во Македонија и до првиот човек на Алијансата, со барање нашата држава на претстојниот Самит на НАТО да добие статус на полноправна членка.

За таа цел, претседателот на Демократскиот сојуз, г. Павле Трајанов денес испрати писмо до Генералниот секретар на Северноатлантската организација, г. Андерс Фог Расмусен, со барање за негова лична заложба Македонија да биде примена во НАТО.

Тука прочитајте го во целост писмото на Трајанов до Расмусен.

Демократскиот сојуз смета дека Република Македонија заслужува да биде рамноправна членка на НАТО, не само поради исполнувањето на внатрешните реформи, туку и поради својот посветен ангажман во воените мисии на Алијансата. На тој пат не смее да биде пречка противењето на Грција и условувањето Македонија да си го смени своето уставно име.
Ги повикуваме сите граѓани, политички партии, невладини здруженија и граѓански асоцијации да ја поддржат и да се придружат на иницијативата на Демократскиот сојуз за безусловно зачленување на Македонија на претстојниот Самит на НАТО во септември оваа година.

За таа цел, ја објавуваме официјалната веб-страна на НАТО http://www.nato.int/ , официјалните е-мејл адреси на Генералниот секретар на Алијансата horre.krista@hq.nato.int , како и од амбасадите на земјите-членки на НАТО, Албанија embassy.skopje@mfa.gov.al, Белгија sofia@diplobel.fed.be, Бугарија Embassy.Skopje@mfa.bg, Канада bgrad@international.gc.ca, Хрватска croemb.skopje@mvep.hr, Чешка Consulate_Skopje@mzv.cz, Данска vieamb@um.dk, Естонија Arti.Hilpus@mfa.ee, Франција culture@ifs.mk, Германија info@skop.auswaertiges-amt.de, Унгарија mission.skp@mfa.gov.hu, Исланд emb.vienna@mfa.is, Италија segreteria.skopje@esteri.it, Латвија embassy.sweden@mfa.gov.lv, Литванија amb.hu@rm.lt, Холандија SKO@minbuza.nl, Норвешка emb.belgrade@mfa.no, Полска skopje.amb.sekretariat@msz.gov.pl, Потругалија embporbg@yubc.net, Романија romanamb@cabletel.net.mk, Словачка emb.skopje@mzv.sk, Шпанија emb.skopje@maec.es, Турција embassy.skopje@mfa.gov.tr, Велика Британија britishembassyskopje@fco.gov.uk, САД EmbSkoWebM@t-home.mk,   на кои ќе можат да се испратат барањата за прием на Република Македонија во Северноатлантската алијанса.