04.04.2014

ДС: Македонија во НАТО

По повод 65 години од формирањето на НАТО, Демократскиот сојуз ги повикува политичките партии, навладините организации и другите граѓански асоцијации, како и граѓаните, до господинот Андрес Фог Расмунсен, Генерален секретар на НАТО, да иницираат прием на Република Македонија во НАТО, на Самитот што ќе се одржи на 4 и 5 септември 2014 година во Јужен Велс.

На овој начин ќе ја искажеме нашата цврста определба и подготвеност  Македонија да биде дел од колективниот безбедносен систем.

Република Македонија ги спроведе сите реформи во одбраната и другите области и активно партиципира во мировните мисии (Ирак, Авганистан, Босна и Херцеговина и Либан), а од 2008 година ја очекува поканата за полноправно членство во НАТО.