ДЕМОКРАТСКИ СОЈУЗ:НАЦИОНАЛЕН КОНСЕНЗУС

28.01.2018

ДЕМОКРАТСКИ СОЈУЗ:НАЦИОНАЛЕН КОНСЕНЗУС

Македонскиот народ и сите граѓани на Република Македонија, по дваесет и седум години независна и самостојна Македонија, се соочуваат со национален проблем од историски димензии, со многу непознати и со огромна одговорност за иднината на државата.

За разрешување на стогодишниот проблем наметнат од Грција, сврзан за името на нашата држава Република Македонија, за прв пат  граѓаните имаат можност директно да се соочат и да се вклучат во неговото разрешување.

Демократскиот сојуз ја поддржува определбата на Владата, во процесот на градење стратегија за разрешување на овој спор да ги вклучи сите релевантни партии, државно политичкиот врв, како и експерти по меѓународно право, историчари, лингвисти, правници, политиколози и други.

Само со целосна транспарентност и објективно информирање е можна поддршка од граѓаните во градењето на решенија и  носење на конечна одлука, без разлика дали граѓаните ќе се изјаснат пред  или по постигнување на договор со кој ќе се деблокираат евроатланските процеси.

Одговорност за иднината на државата имаат сите, но тежината ќе падне на партиите од власта, кои имаат обврска да обезбедат поширок и политички и граѓански консензус.

Време е за државничко однесување, лидерство и визија за наредните  пеесет години.

Грешка не смееме да направиме ниту спрема генерациите пред нас ниту за тие што доаѓаат.

Не смее да има дилеми дека се работи за автентично Македонско прашање, кое пред 115 години го дефинирал големиот деец Крсте Петков Мисирков и дека за него одлучуваат пред се' Македонците. Се разбира во целиот процес треба да бидат вклучени и останатите делови од народи кои живеат во Македонија, како придобивка на демократските и цивилизациските вредности.

Последни Активности

08.08.2018

Павле Трајанов за Слободен печат: Рано е да се прават анкети за референдумот

 Сè уште е рано да се прават анкети во врска со референдумот, иако,  бројките од анкетите имаат големо влијание во целиот процес.

прочитај повеќе...

02.08.2018

Демократски сојуз: Честит Илинден

Демократскиот сојуз на сите граѓани им го честита 2-ри Август, најголемиот празник на Македонците и сите граѓани на Република Македонија, Денот кога се удрени темелите на суверена, независна и слободна Македонија.

прочитај повеќе...

28.07.2018

Демократски сојуз: Договорот со Грција е за влез во НАТО И ЕУ

Деновиве од страна на политички партии, експерти и медиуми, се отвораат дилеми околу можното референдумско прашање сврзано со имплементација на договорот помеѓу Република Македонија и Република Грција.

прочитај повеќе...

19.07.2018

ДЕМОКРАТСКИ СОЈУЗ: КОНСУЛТАТИВЕН РЕФЕРЕНДУМ

Демократскиот сојуз подолго време предлага доколку се постигне компромисно решение  со Грција сврзано со разликите за нашето Уставно име- Република Македонија, пред носењето на конечната одлука во Парламентот, треба да се консултираат граѓаните.

прочитај повеќе...

13.07.2018

ДЕМОКРАТСКИ СОЈУЗ: МАКЕДОНИЈА КРЕАТОР НА МИРОТ И СТАБИЛНОСТА

Поканата за полноправно членство во НАТО, за Република Македонија претставува најголемиот цивилизациски и историски исчекор.

прочитај повеќе...
partners partners partners partners partners partners