СКОПЈЕ, 03.08.2012 ГОДИНА

СКОПЈЕ, 03.08.2012 ГОДИНА

РЕГУЛАТОРНАТА КОМИСИЈА JA ЗАСИЛУВА МОНОПОЛСКАТА ПОЗИЦИЈА НА ТОПЛИФИКАЦИЈА

Демократскиот сојуз реагира на новиот правилник изготвен од страна на Регулаторната комисија за енергетика со кој се засилува монополската позиција на Топлификација АД Скопје, со што на граѓаните им се наметнуваат нови обврски.

Имено, со новиот Правилник, не само што оној кој е исклучен ќе треба да плаќа фиксен надоместок, туку во иднина исклучувањето ќе биде можно само ако се обезбеди согласност од сите станари во колективните згради. Додека пак, оние што веќе се исклучиле, согласно Правилникот, ќе мора повторно да се вклучат во системот, а дури откако ќе обезбедат согласност од соседите, би можеле повторно да се исклучат од мрежата на Топлификација.

Сметаме дека ваквиот систем не само што е премногу комплициран и речиси неизводлив, туку тој е и на директна штета на граѓаните и неговата крајна цел е да се заштити Топлификација со тоа што корисниците на топлинска енергија практично се оневозможени да се исклучуваат по своја желба.

Демократскиот сојуз е на ставот дека граѓаните треба да имаат избор – дали сакаат или не сакаат да ја користат топлинската енергија која им ја испорачува Топлификација и никој не смее да ги попречува во нивниот избор. Уште помалку да им наметнува фиксен надоместок за топлинска енергија која не им е испорачана.

Од друга страна, Топлификација АД Скопје е должна да обезбеди објективни квалитативни критериуми за потрошената топлинска енергија за секоја станбена единица преку вградување калориметри, а не наплатата да ја врши паушално врз основа на површината на станот.

При евентуалното спроведување на критериумите од новиот Правилник на Регулаторната комисија, мора да се има предвид дека голем дел од граѓаните кои претходно се исклучиле од

мрежата на Топлификација, веќе имаат обезбедено алтернативни извори на топлинска енергија, односно веќе влегле во нови инвестиции, така што сега повторно би биле ставени пред нови трошоци.

На крајот, Демократскиот сојуз потсетува дека со Правилник не може да им се наметнуваат нови обврски на граѓаните, туку тоа е можно само со Закон.

Од тие причини, предлагаме новиот Правилник на Регулаторната комисија да се стави надвор од сила, се’ додека не се расчистат сите дилеми и контроверзи поврзани со него.

Демократски сојуз

Последни Активности

06.02.2019

Демократски сојуз: Приемот во НАТО е заслуга на сите влади и граѓани

Приемот на Македонија во НАТО е резултат на работата на сите досегашни влади, невладиниот сектор, медиумите и пред сè цврстата определба и многуте компромиси направени од сите граѓани. 

прочитај повеќе...

24.11.2017

ДЕМОКРАТСКИ СОЈУЗ: ВО ДРИСЛА НЕ СМЕЕ ДА СЕ ДЕПОНИРА РАДИОАКТИВЕН ОТПАД

Демократскиот сојуз инсистира на целосно расчистување на информациите (“сериозни индиции“) презентирани во јавноста, дека во депонијата " Дрисла" во близина на Драчево, се уништувал радиоактивен отпад.

прочитај повеќе...

06.02.2019

Демократски сојуз: Потребни се реформи и работа

Не намалувајќи ја важноста на претседателот на Република Македонија, Демократскиот сојуз, смета дека претседателските избори треба да се одвиваат во фер и политички натпревар

прочитај повеќе...

22.01.2019

Демократски сојуз: Македонија една изборна единица

Во врска со најавите за можни предвремени парламентарни избори, Демократскиот сојуз, ја афирмира идејата за тоа Македонија да биде една изборна единица.

прочитај повеќе...

20.01.2019

Демократски сојуз: Најостра осуда за нападот на новинарот на Канал 5

Демократскиот сојуз најостро го осудува нападот на Мирјана Мирчевска Јовановиќ, новинарка на ТВ Канал 5, на која и се нанесени телесни повреди, а повеќе новинари  се спречени да ја извршуваат својата професионална работа.

прочитај повеќе...
partners partners partners partners partners partners